GELAVEJ.COM///-Tirkî di vê pêvajoya nû de têkilav dibe û gûhertinên ku em karibin bêjin nû rû didin. Partiyên Tirkiyê xwe ji bo hilbijartinên şaredariyan yên vê mihê amade dikin, û di holên xwepêşandan û civanan de şerekî devkî birêve dibin. Bê gûman di vêderê de ciyê Kurdan û partiya Kurdan DTP gelek giringe. DTP ji her demê bêhtir mînakekî qehremaniyê dide nîşandan û bersiva pêşketinên nava Tirkiyeyê dide. Her çend di dema bûyer an jî jiyana rojane de, nirx û giranbûhayiya kesan neyê zanîn jî, aşkereye ku di dîroka Kurdan de kesên wekî Osman Baydemir, Ahmed Turk, Hasîp Kaplan, dîsan kesê ku giyanê wî hêjayî bihûştê ye Orhan Dogan, û hîna gelek kesên dîtir hevrê û kesên bi wan re dê bi tîpên zêrîn navê wan di dîroka Kurdan de were nivîsîn.
   Li welatekî wekî tirkî û di nava evqas xirûcir, alozî û gengeşiyê de, wêrekî, çalekbûn û hişmendiya ku didin nîşandan bêgûman şayanî nirxdayîn û rêzgirtinê ye.
   Bê gûman pirsgirêka Kurdî tenê ji Bakurê Kudistan pêk nayê, lê ji ber ku parçeyê mezine û balekî giring ya cîhanê jî li ser Trikiyeyê ye, navê Kurdan jî di warê siyaseta cîhanî de divekê rojevê de. Bi pêşketinên Iraqê û Kurdistana başûr ve, Kurdan hêz û derfetekî dîrokî û bê hempa bi dest xistin, di warê siyaseta cîhanîde jî Kurd derketin astekî bilind û hêja. Li bakurê Kurdistanê rewş cûdaye.
   Şerekî siyasî birêve diçe. Her çend şerê çekdarî jî gelek deman bi dijwarî xwe derxîne pêş jî, di vê demê de û diyare ku di demê pêşmede jî dê şer di hola siyasî de dijwartir bibe. Tirk hîna jî dê li ser ziman û çanda Kurdî zordestî û xirabkeriya xwe bimeşînin. Lê di navre ji neçarî jî be, ji ber pêşveçûnên cîhanî jî be dê gavna bavêjin. Kurd jî diyare ku dê hîn bêhtir di warê siyasî de derfetên mezin bidest bixin û di nava eynika siyasî ya Tirkiyê de dê karibin wêneyekî baştir pêşan bidin. Bê gûman eve jî dê bi xêra hevkirtin û hevkariya Gelê Kurd û hewldan û xebatên dîplomatîk yê DTP bimeşe. Gavên vê dawiyê yên DTP ku wekî Ehemed Turk di Parlemena Tirkiyê de bi Kurdî xeber da û bi zimanê xwe yê dayikî, xwe ji koma xwe ya di parlemenê de derbirî jî gavên giringin û hêjayî pîrozkirinê ne. Ev mijarana bê gûman nabin xalên rexnekirinê.
   Lê dîsan jî xalekî ku Kurd bala xwe bikşînine ser heye, ew jî ewe ku ev gavên ku têne avêtin, di warê ziman û çanda Kurdî de gavên ku têne avêtin tenê di warê siyasî de nemîne û di her aliyê jiyanê de giranî jêre were dayîn. Bi taybet her Kurdê ku ji bo çand û zimanê Kurdî hewl dide û tevdigere karibe zimanê Kurdî di jiyana xwe giştî de bikar bîne û di nava xwe de bide jiyandin. Ji ber ku hêviyekî Tirkan ya dîtir jî heye, ew jî eve ku dibên, em zorî û astengiyên ser zimanê Kurdî rabikin wê demê Kurd jî zêde giringî nadin û dê di nava çand, ziman, film û muzîka Tirkî de bihelin û ji Kurdîtiya xwe dûr bikevin.
   Ev ramanê Tirkan jî ne zêde durî rastiyê ye û metirsiyekî bi vî rengî ji bo gelê me yê bakur hebû û heye. Ciwanên nû, nifşê nû, ji alîkî ve keviran tavêjin panzêran, bi şev bi roj di kolanan de, ji bo mafê çandî hûnerî li ber xwe didin, bi sedan mirov derdikevin kolanan û têne kuştin. Lê di warê zimanê Kurdî û bikaranîna zimanê Kurdî de hîna jî kêmasiyekî mezin heye û di warê pêşveçûnê de giraniyekî mezin heye. Ji ber vê yekê ye ku di nava me Kurdan de nivîskar ji xwendevanan zêdetirin. Biqasî ku nivîskar hene hewes û xwesteka nivîskaran ya xwendevanan û hejmarekî wisan zêde xwendevanan heban wê demê tû pirsgirêk nebû. Lê mixabin nexweşiya me eve.
   Lê bi tevayî kêmbûn û neyêniyan ve jî pêşketinên giring û em dikarin bêjin baş di rojên pêş me de dê rû bidin.