Serokkomarê Iraqê yê Kurd Celal Talabanî dihunê (15.03.09) bi boneya Foruma avê ya Cîhanî çû Tirkiyê. Celal Talabanî her çend bi navê vê beşdarbûna civîna avê jî çûbê Tirkiyê, di bingehde dîsan giftûgokirina pirsgirêka Tirkiyê û PKK heye. Wekî ku tê zanîn di rojên bihûrî de, Serokkomarê Tirkiyê Evdile Gul li Îranê di gotina xwe de dabû diyarkirin ku ewê di vê pirsgirêkê de gavan bi avêjin.

Serokkomarê Iraqê yê Kurd jî di hevdîtinên xwe yê Tirkiyê de bi giranî li ser kêşeya Tirkiyê  û PKK radiweste. wekî ku tê zanîn bi salane Celal Talabanî di nava hewldan û dewrekî bi vî rengîdeye.Lê vê carê li gorî agahiyên çavkaniyê Tirkiyê jî diyare ku pêşniyarên wî dê bêhtir vekirî bin û projeyekî mezintir pêşkeşî rayedarên Komara Tirkiyeyê bike.

Serokkomarê Iraqê Celal Talabanî dihunê bi Serokkomar Tirkiyê Erdoxan re biqasî 50 deqeyî hedîtinek pêk anî.
Li gorî agahiyan pêşniyarên Celal Talabanî ya herî serekî ewe ku bexşîn an jî efûyekî giştî ji bo endamên PKK ye. Lê ev efû jî tenê ji bo kesên ku beşdarî çalekiyên çekdarî nebûne. Wekî din jî xala herî serekî ya ku Talabanî li ser radiweste û rayedarên Hikumeta Herêma Kurdistan jî li ser radiwestin ewe ku rêvebirên PKK karibin wek penaber serî li welatên ewrûpa bidin û karibin li Ewrûpa bijîn û di heman demê de Tirkî dengê xwe ji vê yekê re nekê.

Dîsan bi taybet ramanê rayedarên Herêma Kurdistanê jî wisan tê diyarkirin ku ji bo kesên endamê PKK yên ne hemwelatiyên Tirkiyeyê ne derfetên hemwelatiya Iraqê were dayîn û mafê mayinê ji wena re were terxankirin.

Pêşniyara balkêş ya dîtir ya Telebanî jî ewe ku Konferansekî Kurdî ya giştî were sazkirin. Ev konferans jî ji bo tevayî Kurdên herçar parçên Kurdistanê be. Bê gûman li Hewlêrê were lidarxistin û Tirkiye jî vê Konferansa Kurdan ji bo xwe metirsî nebîne û wekî xebatên parçekirina Tirkiyeyê binav neke.