Her çend bazar û alûgora vê cîhanê di destê sazî û pergalên dewlemend yên mezindeye û li gorî daxwaza wan pêşve diçe jî, herkesek beşdarî vê pêşketina teknîkî dibe û tiştinan jê werdigre û tevlî dike.

Îphone jî telefona berîkê ya serdema me ye. Ne tenê telefon di heman demê de Computera vê demê ya destan tête bikar anîn û dîtin. Herkesekê ku bi bernamegerî û karê torê ve mijûl dibe bi vê amêra piralî ve jî mijûl dibe.

Bêgûman bikaranîna wê ji ber ku ne ewqas hesane, herkesek nikare bikar bîne, ji ber vê yekê jî kesên ku di bikaranîna wê de zehmetî dikşînin alîgirê bikaranîna wê jî nînin û kêfa wan jêre nayê.

Amêrekî wisane ku ji bo pêşdebirin û bikaranînekî bêsînor vekiriye. Her kesê ku xwedî huner bê dikare bernameyan ji bo wê amade bike û têde bicî bike. Ji bo karê ragehandin û peywendiya navbera mirovan ya teknîkî dest dide her tiştekî. Bernameyen TV yan, yên radyoyan, wekî din bernameyên bijîşkî, gelik aliyên dîtir yên zanistî, çandî, tenkîkî di vê amêrê de tête bikaranîn.

Ji ber ku di vî çax û vê serdemê de tora navnetewî(înternet) êdî di warê buhayê xwe de erzan dibe û ji aliyê gelek mirovan ve di berîkê de tête bikaranîn. ji ber vê yekê tevayî sazî û dezgeh bi rêka telefonên berîkê dixwazin xwe bighênine mirovan. Wekî berê ne tenê bi rêka TV yan an jî dîmenên di nava malê de, neha  bi rêka telefonên berîkê her sazî, dezgeh,karxane û pergal xwe dighînine mirovan.

Çend xalên ku hun dikarin iphona xwe bikin telefonekî taybet me ji were hilbijartin.

Bihêlin ku li cihê xeta telefonê navekî ku hun dixwazin derkeve (E-plus, T-mobile, vodafone, avia,turkcell hwd.)

Eger hun bixwazin ku li cihê xeta telefonê, navê zarokên xwe an jî navê hezkiriyekî xwe bidin nîşandan, van rêkan bişopînin.

(Ji xwe dive Iphona we bi înternetê ve girêdayî bê da ku hun karibin bernameyan daxînin û bikar bînin. iphona ku bi înternetê ve ne girêdayî bê bikar anîna wê jî tiştekî gelek bêkê re.)

1- Hun bernameya "Installous" vedikin
2-di wirade li jorê cihê lêgerînê hun navê bernameyekê didin; "Make It Mine"
3-Vê bernamê hun digrine ser Iphona xwe
4-Ev bername di iphonê de wekî MIM xuyan dike, vekin
5-Li cihê vala navê ku hun dixwazin binivîsin û li jorê milê çepê cihê ku "Carrier" dinivîse bitirkînin
6-Hun bixwazin di nîvê şaşeya iphonê de cihê demhijmêrê jî nav derkeve jorê milê raste "Banner" bi tirkînin

Em hêvîdarin ku bikêrî we hatibe.

Hun bixwazin ku li cihê xeta telefonê Ala Kurdistanê an jî remzekî dîtir derkeve:

Li vira min remza Ala Kurdistan li cihê xeta telefonê bicî kiriye.

Li vira jorê jî min remza Ahura Mazda bicî kiriye

Hercend rêka vî karî hindekî tevlîhev jî be em dê ji bo we diyar bikin.
Iphone jî wekî computerê xwedî zimanekî nivîsandinê ye û wekî her teknîkê hun dikarin têkevin mêjiyê wê û nava wê de û li gorî xwe guhertinan çêbikin. Bê gûman li gorî televonên dîtir hindekî din hesane ji bo guhertinê.

Ji bo ku hun tevayî belge û pakêtên nava iphonê bibînin pêwistiya we bi bernameyekê heye navê vê bernamê jî i-FunBox e. Hun dikarin vê bernamê ji vira daxînin piştî ku we daxist û vekir. Çawan hun i-phona xwe bi pc ve bikin dê bername telefona we nas bike. Êdî di bin navê telefona xwe de hun dikarin têkevin nava belgeyê telefonê de.

Li gorî tevayî xetên telefonê belge di nava iphonê de ne. lê hindek xet hene peymana wan ji ber ku bi iphonê re nîne di nava iphonê de nayêne dîtin. lê ew jî bi bernameyên dîtir ve têne çareserkirin. Rêka ku hun xeta xwe ya telefonê bibînin.

1-Bernameya i-FunBox vekin
2-Telefona xwe bi pc ve girêbidin
3-Ku telefona we di bernameya i-FunBox de xuyan kir bi tirkînin
4-"Raw File System" bitirkînin
5-Têkevin "System"
6-Di vira de jî "Library"
7-Têkevin "Carrier Bundles"
8-Tevayî xetên cîhanê yên telefonê di vira de hene, Lê yên ku nînin jî hene.

Di vira de ku we xeta xwe dît di nava paketa xeta we de hun dê dû wêneyan bibînin. Herdû remz jî logo an jî remzê xeta we ya telefonê ne. Hun divê van herdukan li gorî xwe biguherin. Ev wêneyana bi format an jî şêwaza .png ne. divê wêneyê ku hun amade bikin jî bi şêwazê png bin. Hun aleya Kurdistanê an jî wêneyê keleşkofekê an jî yê gulekê dixin şêwaza png, (vêya hun dikarin bi gelek bernameyên wêneyan amade bikin, ez Photoshop bikar tînim). ku wêneyê we amade bu, hun bi heman navî yê di malika xeta we de tomar dikin û digrine ser vê paketa di nava i-funbox ê de.

Telefona xwe bigrin û dîsan vekin. remza ku we amade kirî dê li cihê xetê diyar bike.
Ji bo pirsên dîtir an jî xetên ku di iphên de nînin hun dikarin ji bo min name binivîsin
agiri@gmx.de

Herçend hîna bernameyên Kurdî yên iphone nebin jî , hun dikarin çend radyoyên Kurdî bi iphonê godar bikin. wekî Radyo Zekeriya an jî www.kurdfm.com di iphonê de bêhtir lêxera Quick time an jî winamp vedibe.

Bi hêviya demên xweştir

Agirî Soran-Isa Alakir
Gelavej.com